Hulumtimet e reja gjenomike mbështesin idenë se rreth 900,000 vjet më parë popullsia hominide e paraardhësve tanë ishte në prag të zhdukjes, ndoshta për shkak të ndryshimeve klimatike
Kishte një moment në evolucion, rreth një milion vjet më parë, kur paraardhësit e specieve Homo rrezikuan të zhdukeshin.
Dhe njerëzimi nuk do të ekzistonte kurrë.
Kështu pohojnë studiuesit e një bashkëpunimi ndërkombëtar – duke përfshirë autorë italianë – në faqet e Science: duke u mbështetur në teknikat e reja të analizës së gjenomit, ekspertët besojnë se rreth 900,000 vjet më parë popullsia e paraardhësve të zakonshëm për denisovanët, neandertalët dhe sapienët është zvogëluar me 98.7% ndoshta për shkak të ndryshimeve klimatike.
Studiuesit analizuan (përmes një metode të re të quajtur FitCoal) gjenomet e 3,154 njerëzve nga e gjithë bota dhe që i përkisnin 10 popullatave afrikane dhe 40 jo-afrikane, duke i kushtuar vëmendje të veçantë mënyrës sesi linjat gjenetike janë diferencuar me kalimin e kohës.
Kështu ata arritën në përfundimin se midis 930,000 dhe 813,000 vjet më parë ndryshueshmëria gjenetike u ul me 65.85% – një fenomen që ndodh kur një popullatë ndeshet me atë që quhet bllokim, d.m.th një rënie drastike në numrin e individëve për shkak të ngjarjeve të tilla si fatkeqësitë natyrore, epidemitë. thatësira, zi buke, luftëra.
Kështu ata kanë vlerësuar se popullsia e paraardhësve tanë duhet të jetë ulur me më shumë se 98%, me rrezik real për t’u zhdukur. Ky përfundim do të shpjegonte edhe prova të tjera, siç është humbja e madhe e të dhënave fosile midis afrikanëve dhe euroaziatikëve që datojnë në të njëjtën periudhë.
