Pas fjalimeve protokolare të presidentëve, Presidentja Osmani u pyet për raportet Kosovë-Shqipëri, nëse janë përmirësuar raportet mes dy vendeve duk pasur parasysh përplasjet mes kryeministrave të dy vendeve.
“Çdo moment është moment i mirë për të vizituar Shqipërinë. Çdo pjesë tjetër s’ka vlerë. Çdo vizitë që kam jashtë vendit, një nga takimet që nuk lë asnjëherë, janë takimet me ambasadorët shqiptarë. Relacionet mes Shqipërisë dhe Kosovës janë relacione mes motrash, pasi janë relacione më të sinqerta. Mund dhe do të rrisim koordinimin mes nesh. Është në interes të të dyja shteteve”, tha Vjosa Osmani.
Presidentja e Kosovës, Vjosa Osmani në vazhdim deklaroi se çdo ‘përplasje’ apo moskuptim me Shqipërinë është tejkaluar, ndërsa pohoi se relacionet mes dy vendeve janë si mes motrash, sepse sipas saj dashuria e motrave është dashuri e sinqertë.
