Sot, më 7 shtator 2023, u bënë 33 vjet qysh kur delegatët e Kuvendit të Kosovës shpallën Kushtetutën, të njohur si “Kushtetuta e Kaçanikut”.
Më 2 korrik 1990, delegatët e Kuvendit miratuan publikisht Deklaratën Kushtetuese, me anë të së cilës Kosova shpallej njësi e veçantë në kuadër të federatës së atëhershme jugosllave.
Dy muaj pas shpalljes së Deklaratës Kushtetuese (7 shtator), e njohur si “Deklarata e Pavarësisë”, të njëjtët delegatë nxorën aktin më të lartë juridik – Kushtetutën e Republikës së Kosovës, dhe me këtë ata edhe formalisht e shpallën Kosovën Republikë.
Shpallja e Kushtetutës së Kosovës është bërë në Kaçanik më 7 shtator 1990, në një organizim të fshehtë, pasi vendi ishte i mbushur nga forcat policore dhe ushtarake të pushtuesit, të cilit kishin nisur një spastrim të hapur të institucioneve të Kosovës, duke i larguar punëtorët shqiptar dhe futjen e masave të dhunshme.
Po ashtu, deputetët që kishin shpallur Deklaratën, ishin edhe personat të cilët regjimi serb i asaj kohe ishte vënë në kërkim të tyre.
7 Shtatori cilësohet si identitet i historisë së re të Kosovës dhe njëra nga datat më të rëndësishme të historisë së Kosovës.
