I dërguari special i Bashkimit Evropian për dialogun mes Kosovës dhe Serbisë, Miroslav Lajçak, njoftoi se ka takuar të dërguarin e Britanisë së Madhe për Ballkanin Perëndimor, Stuart Peach.
Ai ka shkruar në Tëitter të enjten mbrëma se ishte kënaqësi të bisedonte me Peachin për “përpjekjet në dialog”.
“Pasi u ktheva në Bruksel, u njoha me të dërguarin e Ballkanit Perëndimor Lord Peach. Gjithmonë është mirë të dëgjojmë për aktivitetet e tij të fundit, të shkëmbejmë vlerësime mbi zhvillimet e fundit në rajon dhe ta informojmë atë për përpjekjet tona në dialog”, ka shkruar Lajçak.
Lajçak ka kërkuar në vazhdimësi zbatim të Marrëveshjes pa vonesë nga Kosova e Serbia, derisa më 14 shtator do të takohen në Bruksel kryeministri i Kosovës, Albin Kurti dhe presidenti i Serbisë, Aleksandar Vuçiq.
Autoritetet kosovare kanë deklaruar se në Bruksel do të takohen për zbatim të Marrëveshjes.
