Edhe ministri i Finacave, Hekuran Murati ka reaguar pasi Kosova është shpallur nikoqire e Lojërave Mesdhetare 2030.
Murati ka thënë se mbi 250 milionë euro investime do të bëhen në stadium, pishina, salla sportive e infrastrukturë sportive.
“Edhe qindra miliona euro tjera investime private në akomodim, hoteleri e turizëm. Krahas përfitimeve direkte financiare që do të vijnë me organizimin e Lojërave Mesdhetare, përmes tyre do të konsolidohet imazhi shtetëror në arenën ndërkombëtare, përforcohet përkatësia dhe identiteti shtetëror si dhe do të investohet në infrastrukturë fizike të modernizuar”, shkroi ai në Facebook.
