Asambleja e Përgjithshme e Komitetit Ndërkombëtar të Lojërave Mesdhetare (ICMG) mbahet të premten (8 shtator 2023) në Heraklion të Greqisë.
Në njërën nga pikat e shumta të rendit të ditës është edhe kandidatura zyrtare e Kosovës për të organizuar Lojërat Mesdhetare të vitit 2030.
Asambleja nis në orën 10:00, ndërsa kandidatura “Prishtina 2030” është në rend të ditës prej orës 15:30 me kohën tonë lokale.
Një ditë pas Asamblesë do të hapen edhe zyrtarisht lojërat mesdhetare në rërë “Heraklion 2023”, ku Kosova po përfaqësohet me 26 sportistë të sporteve të volejbollit në rërë, basketbollit 3X3, hendbollit në rërë, karate në kata dhe notit në ujëra të hapura.
