Kryeministri i Mbretërisë së Bashkuar, Rishi Suank, ka mbërritur në Delhi për samitin e G20-ës, takim ky i 19 ekonomive më të mëdha botërore, plus BE-ja.
Sunak është bërë kryeministri i parë me trashëgimi indiane që viziton vendin.
Qeveria në Londër thotë se vizita “historike” do të jetë “një kujtesë e fuqishme e urës së gjallë midis dy vendeve”, raporton BBC, transmeton Klankosova.tv.
Sunak shoqërohet nga gruaja e tij Akshata Murty, e cila ka lindur dhe është rritur në Indi dhe është vajza e një prej njerëzve më të pasur të Indisë.
G20 është diçka si një desert diplomatik. Shumë nga anëtarët e saj kanë shumë pak të përbashkëta përtej ekonomive të mëdha.
Por ky është qëllimi i saj – bashkimi i atyre vendeve që janë motori i ekonomisë globale.
G20 është një fëmijë i shekullit të 21-të – i ngjizur në 1999 dhe në rritje pas krizës financiare të 2008-ës.
Në listën e të ftuarve ishin edhe dy nga njerëzit më të fuqishëm në botë, por nuk po paraqiten.
Presidenti rus Vladimir Putin do të mungojë për të dytin vit radhazi.
“Edhe një herë, Vladimir Putin po dështon të tregojë fytyrën e tij në G20”, tha kryeministri britanik.
“Ai është arkitekti i mërgimit të tij diplomatik, duke u izoluar në pallatin e tij presidencial dhe duke bllokuar kritikat dhe realitetin. Pjesa tjetër e G20-ës, ndërkohë, po demonstron se ne do të dalim dhe do të takohemi së bashku për t’i mbledhur copat nga shkatërrimi i Putinit”.
Por është më komplekse se kaq.
As presidenti Xi i Kinës nuk do të marrë pjesë në samit. Dhe disa anëtarë të G20 janë shumë më pak të përkushtuar se të tjerët ndaj Ukrainës.
Mikpritësi, India, si fillim, vazhdon të blejnë shumë naftë nga Rusia.
Sunak refuzoi të thoshte nëse ai po planifikonte të takonte kryeministrin kinez Li Qiang gjatë samitit.
