43 
Shqipëria ka marr një fitore të madhe kundër Polonisë me rezultat 2-0 në kualifikimet për Euro 2024.
Kuqezinjtë fituan fal golave të Jasir Asanit dhe Mirlind Dakut dhe morën fitoren që i dërgon në pozitën e parë.
Të besuarit e Sylvinhos aktualisht kanë 10 pikë, me tri fitore, një barazim dhe një humbje.
Pas tyre vjen Republika Çeke që ka arritur të tubojë 8 pikë deri më tani, por ka një ndeshje më pak se sa Shqipëria.
Moldavia është e treta me 8 pikë po ashtu, ndërsa Polonia ka 6 pikë. E fundit me një pikë janë Ishujt Faroe.
Shqipëria nga tri ndeshjet e mbetura, dy i luan në shtëpi, ndaj Çekisë dhe Ishujve, ndërsa ndaj Moldavisë luan si mysafir.
