Demonstrata të reja në Athinë kundër procedurës së re që respekton standardet evropiane të sigurisë. Kryeministri premton “as çipa, as kamera”, por për protestuesit është “skllavëri elektronike”.
“Jo skllavërisë elektronike”, “demokracia ka referendume, fashizmi ka dekrete”: kështu thonë pankartat e demonstruesve të mbledhur në Athinë për të protestuar kundër kartave të reja biometrike të identitetit.
Pas 2,000 njerëzve në Selanik, 2,500 të tjerë sipas policisë u mblodhën në kryeqytet, edhe pse kryeministri Kyriakos Mitsotakis ka premtuar se s’do të ketë çipa apo kamera.
Javën e kaluar, në fakt, qeveria njoftoi se nga 25 shtatori do të nisë procedura e re për marrjen e një dokumenti identiteti sipas standardeve evropiane të sigurisë, të cilave duhet t’i respektojë edhe Greqia.
Sipas tekstit të miratuar në vitin 2019, në fakt, deri në vitin 2026 çdo shtet anëtar i BE-së duhet të lëshojë karta të reja identiteti biometrike.
Për këtë çështje foli edhe kryepeshkopi Ieronymos II, kreu i Kishës Greke, i cili parashikoi një prononcim të Sinodit të Shenjtë duke ftuar “për maturi dhe mençuri”.
