Një tërmet i ri me magnitudë 4.6 është regjistruar, mëngjesin e sotëm, në Marok. Epiqendra u regjistrua 80 kilometra në jugperëndim të Marrakech-it, në të njëjtën zonë të shkatërruar natën mes të premtes dhe të shtunës nga një tërmet me magnitudë 6.8 ballë.
Sipas të dhënave të regjistruara nga Qendra Evropiane Sizmologjike Mesdhetare, tërmeti ka ndodhur në orën 06:53 me orën lokale në një thellësi prej 10 kilometrash.
Ndërkohë, operacionet e kërkim-shpëtimit vazhdojnë në Marok pas tërmetit me magnitudë 6.8 të javës së kaluar që vrau afro 3 mijë njerëz. Shpresat për gjetjen e të mbijetuarve po shuhen. Ekipet po punojnë shumë për të marrë ndihmë për ata që i mbijetuan katastrofës.
Malet e larta të Atlasit u goditën më keq, por disa komunitete ende presin ndihmë. Në Marrakech zemërimi po rritet për ritmin e ngadaltë të reagimit të qeverisë.
