Ka aq shumë gaforre blu sa një densitet kaq i lartë “po bëhet problem për vetë gaforret që kanë vështirësi të gjejnë produktin për t’u ushqyer në mënyrë adekuate. Po asistojmë fenomene të kanibalizmit me ekzemplarët më të mëdhenj që sulmojnë më të vegjëlit për të rrëmbyer hapësirën dhe ushqimin”.
E thotë për ANSA, Mattia Lanzoni, studiues i ekologjisë në Universitetin e Ferrarës, duke saktësuar se gaforrja blu është e pranishme në Itali prej 30 vitesh, por ishte e vështirë të parashikohej se çfarë po përjetojmë.
“Ndryshimet klimatike e vështirësojnë bërjen e hipotezave për lëvizjet dhe sjelljen e tyre – saktëson studiuesi – sigurisht me dimër ato duhet të ulen por nëse kemi temperatura mbi mesatare si ato të vitit të kaluar nuk do të kemi efektet e dëshiruara”.
Një emergjencë që po përpiqemi ta zgjidhim edhe në tavolinë, duke jua ofruar klienteve ta shijojnë për kuriozitet dhe modë, edhe nëse askush nuk është i gatshëm të heqë dorë nga midhjet e skuqura dhe spageti me molusqe, siç del nga një anketë në internet nga Fedagripesca-Confcooperative.
