Pesëmbëdhjetë pjesëtare të Policisë së Kosovës po qëndrojnë në qytetin Auckland të Zelandës së Re, ku po marrin pjesë në Konferencën Ndërkombëtare të Grave në Polici “IWPC2023”.
Pjesëtaret e Policisë së Kosovës kanë parakaluar edhe në Paradën e Kombeve.
Ambasada e Kosovës në Zelandë të Re ka shpërndarë disa fotografi nga ky moment derisa ka shkruar “Parada e Kombeve mëngjesin e sotëm na bëri krenarë për përparimin e Policisë së Kosovës”.
https://twitter.com/JBerdynaj/status/1703289719667511384?ref_src=twsrc%5Etfw%7Ctwcamp%5Etweetembed%7Ctwterm%5E1703289719667511384%7Ctwgr%5Eb4c3405db864c1c282626691b22261aff7fab756%7Ctwcon%5Es1_&ref_url=https%3A%2F%2Ftelegrafi.com%2Fpolicia-e-kosoves-parakalon-ne-paraden-e-kombeve-ne-zelande-te-re%2F
Edhe ambasadorja e Kosovës në këtë shtet, Jetmira Bërdynaj-Shala ka shkruar se Policia e Kosovës është krenaria jonë.
“Nder dhe krenari t’i bashkohesha përfaqësueseve nga Policia e Kosovës në parakalimin e sotshëm në Auckland, Zelandë e Re. Policia e Kosovës ofron më shumë se siguri, është krenaria jonë!”, ka shkruar në platformën “X”, ambasadorja Bërdynaj-Shala.
