“Openheimer” ia ka dalë që të thyejë një tjetër rekord. Prodhimi i Christopher Nolan është zyrtarisht filmi biografik më i suksesshëm në historinë e kinemasë botërore.
Imazhi i Cillian Murphy si “babai i bombës atomike” është tani në krye të arkëtimeve, duke tejkaluar 912 milionë dollarë të ardhura dhe duke lënë “Bohemian Rhapsody” në vendin e dytë.
Ky film është bazuar në librin e nderuar me çmimin Pulitzer, “Prometheu Amerikan: Triumfi dhe Tragjedia e J. Robert Oppenheimer”, i autorëve Kai Bird dhe Martin Šervin, i botuar në vitin 2005.
Përmes ngjarjeve të tij, si filmi ashtu edhe libri ofrojnë një panoramë të thellë dhe detajuese të jetës së shkencëtarit, si dhe ndërthurjen e tij me projektin Manhattan dhe ndikimin monumental të shpërthimit bërthamor në ngjarjet historike.
