Këshilli Gjyqësor i Kosovës (KGJK), në takimin e 315-të të mbajtur të enjten, ka konfirmuar listën përfundimtare të 24 bashkëpunëtorëve profesionalë që do t’u bashkohen gjykatave të Republikës së Kosovës.
Pas prezantimit të raportit, anëtarët e Këshillit kanë miratuar listën përfundimtare të kandidatëve të suksesshëm që do t’u bashkohen gjykatave.
Si datë për fillimin e punës së bashkëpunëtoreve të rinj në gjykata, është vendosur të jetë 1 tetori 2023.
Kujtojmë që konkursi për 36 pozita të bashkëpunëtorëve profesionalë nga KGJK-ja ishte shpallur në maj të vitit 2023.
Mirëpo, edhe pse konkursi kishte qenë i shpallur për 36 kandidatë, vetëm 24 pozita kanë arritur të përmbushen në fund të konkursit, pasi kandidatët e tjerë nuk kanë arritur t’i marrin pikët e mjaftueshme.
