47 
Mjekët në Klinikën e Pulmologjisë ia kanë shpëtuar jetën pacientes A.D., 37-vjeçare, nga Gjakova, pasi kishte gëlltitur një kurorë dhëmbësh gjatë ndërhyrjes stomatologjike te stomatologu.
Lajmin e ka bërë të ditur Shërbimi Spitalor, Klinik e Universitar i Kosovës, përmes një njoftimi në rrjetin social Facebook.
“Kurora e dhëmbëve pacientes i kishte depërtuar në rrugët e frymëmarrjes, duke bërë që t’i keqësohet gjendja shëndetësore dhe duke e rrezikuar seriozisht shëndetin e saj, me simptoma të frymëmarrjes së vështirësuar dhe kollitje”, thuhet në njoftim.
