Presidentja e Kosovës, Vjosa Osmani ka zhvilluar një takim me presidentin e Letonisë, Edgars Rinkëviës në kuadër të sesionit të 78-të të Asamblesë së Kombeve të Bashkuara.
Osmani gjatë këtij takimi shprehu përkushtimin që të vazhdohen përpjekjet e përbashkëta për thellimin e raporteve bilaterale në mes të Kosovës dhe Letonisë, të cilat kanë themelet në vlerat e përbashkëta demokratike, si dhe ngritjes së tyre në nivel të partneritetit strategjik.
Përveç kësaj në takim u diskutua edhe për edhe për zhvillimet e fundit në Kosovë, rajon e më gjerë, me ç’rast Presidentja Osmani ritheksoi se Kosova mbetet e përkushtuar për paqe dhe siguri afatgjate.
“Presidentja Osmani ka falënderuar Presidentin Rinkëviës për mbështetjen e vazhduar të Letonisë për rrugën euroatlantike të Kosovës dhe anëtarësimin në organizata ndërkombëtare”, thuhet në komunikatë.
