I mbijetuari i masakrës së Studimes, Ibrahim Gërxhaliu e ka përshkruar masakrën në fjalë si “tmerr”.
“Tmerr. Nuk mund ta merr njeriu me mend se çfarë kanë bërë ata”, ka thënë Gërxhaliu.
Ai ka thënë se njëri prej personave që e ka bërë ekzekutimin e ka pyetur babain e tij në gjuhën serbe se ku punon ai.
“Në vitin ’99, pas luftës, e kam dhënë një deklaratë në Gjykatën e Vushtrrisë. E kam paditur një person, ai ka qenë i mobilizuar në atë kohë”, ka thënë ai duke shtuar se ka besuar që i njëjti e ka kryer masakrën e Studimes.
Gërxhaliu ka rrëfyer se kur e kanë zbritur popullatën civile nga rimorkio i kanë ekzekutuar në praninë e familjarëve.
“Nëna ka qenë poshtë, ka tentuar t’i shpëtojë, kanë qenë grate e axhallarëve dhe dy axhallarë. Do të thotë se aty janë vrarë pesë anëtarë të familjes sime”, ka shtuar i mbijetuari i masakrës së Studimes.
