Në një intervistë të rastit diku në sheshin e Prishtinës, të realizuar nga Infokus, babai i Doarsa Kica-Xhelili e cila është deputete e LDK-së në parlamentin e Kosovës dhe anëtare e kryesisë së LDK-së, ka folur fjalë lavdërimi për kryeministrin e Kosovës.
Në intervisten e tij ai thotë se “Albin Kurti ka qenë një student i shkëlqyeshëm, studentë më të aftë besoj se Kosova nuk do të ketë më, ai është një enciklopedi e gjallë” ka shtuar ai.
Kur është pyetur se si e mban mend si nxënës apo si student, ai është përgjigjur duke thënë se: “nuk i ka dhënë mësim personalisht por një shok i tij e ka bërë këtë”. Vlerësimin për cilësinë si nxënës dhe si student e ka bërë duke u bazuar në notat dhe punimet e Albinit, të cilat ai thotë se i ka kontrolluar.
Në pyetjen e gazetarit nëse ai mban mend ndonjë sjellje problematike të Albinit, ai përgjigjet duke thënë se: “Natyra e Albinit është që ai nuk ka qef me ba probleme”, “rebelimet e tija kanë qenë në aspektin e kombit të vetë, pra sakrificat e tija kanë qenë për kombin e jo për qështjet materiale”, duke rikujtuar se ai jeton në një banesë me qira.
Në vazhdim ai është shprehur se ndjehet me fat që Albin Kurti është kryeministër i Kosovës. “Fati i mirë është se Albin Kurti është edhe kryministër dhe shpresoj që edhe në këtë aspekt do të jetë i mirë, do të jetë i shkëlqyeshëm”, ka thënë ai.
Në vazhdim ai shpreh mendimin e tij se Albini është i pajisur edhe në aspektin politikë dhe di të punojë dhe shpreson se Albini do të ketë sukses edhe në qështjen e asociacionit. Në këtë pikë shprehet se është i bindur qind për qind se Albini nuk lëshon pe, sepse nëse bëhet asociacioni, humbet edhe pjesa veriore e Kosovës.
Linku ku mund da shikoni videon: https://fb.watch/nehia2XyIa/?mibextid=v7YzmG
https://fb.watch/nehia2XyIa/?mibextid=v7YzmG