Një gjykatë franceze do të shpallë vendimin kundër reperit MHD të shtunën. Sipas raportimeve, ai është duke pritur me tetë të bashkëakuzuar një vendim gjykate për vrasjen e një të riu në Paris në vitin 2018.
MHD, emri i vërtetë i të cilit është Mohamed Sylla, insistoi edhe një herë në pafajësinë e tij teksa bëri deklaratat e tij përfundimtare para se gjykata të tërhiqej për të dhënë vendimin pas tre javësh procedurë.
“Që nga fillimi kam mbajtur pafajësinë time në këtë rast dhe do të vazhdoj të ruaj pafajësinë time”, tha ai në gjykatën e mbushur plot.
Prokurori ka kërkuar 18 vite burg për reperin, pafajësi për dy nga të akuzuarit dhe 13-20 vite burg për të tjerët.
Vendimi pritet të jepet më vonë gjatë ditës.
Shtatë të bashkëakuzuarit e tij të pranishëm në gjykatë — i teti po gjykohet në mungesë — kanë këmbëngulur gjithashtu se nuk ishin të përfshirë në sulmin e dhunshëm ndaj Loic K. në korrik 2018 që rezultoi në vdekjen e tij. Vdekja e 23-vjeçarit është portretizuar nga hetuesit si një larje hesapesh mes bandave rivale.
MHD, i cili u bë i famshëm me një përzierje të veçantë të tingujve të Afrikës Perëndimore me hip-hop të stilit amerikan, u akuzua për vrasje në janar 2019 dhe u burgos.
Ai ka mohuar të ketë marrë pjesë në sulmin, ku viktima u përplas nga një Mercedes i zi dhe më pas u rrah dhe u godit me thikë nga rreth një duzinë njerëz në një pjesë të rëndë të qarkut të 10-të të kryeqytetit.
Por një banor vendas e filmoi incidentin nga dritarja e tij dhe Mercedesi u identifikua shpejt se i përkiste MHD.
