Në orën 8.50 të mëngjesit të 23 shtatorit ndodhi ekuinoksi i vjeshtës. Orët e ditës tani do të vazhdojnë të zvogëlohen gradualisht deri në solsticin e ardhshëm dimëror më 22 dhjetor.
Ekuinokset janë ditët në të cilat gjatësia e ditës është e barabartë me atë të natës dhe orët e errësirës do të rriten deri në ditën e solsticit të dimrit, 22 dhjetorin e ardhshëm.
“Në orën 8.50 të mëngjesit të 23 shtatorit, Dielli, në lëvizjen e tij të dukshme përgjatë ekliptikës, domethënë projeksioni i orbitës së Tokës në qiell, kaloi ekuatorin qiellor nga Veriu në Jug”, vëren astrofizikani Gianluca Masi, drejtor shkencor Virtual Telescope Project.
“Që nga ai moment nata fillon të mbizotërojë, duke marrë hak për stinën e verës. Kjo padyshim që do t’i lumturojë disi astronomët, të cilët do të kenë më shumë kohë për të admiruar qiellin, por nuk do t’u pëlqejë shumë të tjerëve”.
Termi ekuinoks rrjedh nga latinishtja ‘aequa nox’, që do të thotë natë e barabartë, për të treguar këtë moment të veçantë të vitit që përsëritet vetëm dy herë, ekuinoksi tjetër shënon fillimin e pranverës.
Kjo do të thotë gjithashtu se për ata që janë në ekuator në ditën e ekuinokseve, Dielli është pikërisht në zenit, 90 gradë në sipërfaqen e Tokës, dhe mund të vëzhgojë objektet në tokë pa bërë hije.
