Muajin e kaluar, Ousmane Dembele përfundoi një lëvizje disi të diskutueshme te Paris Saint-Germain, duke lënë Barcelonën që llogariste shumë në të.
Kampionët francezë aktivizuan klauzolën e tij të lirimit prej 50 milionë eurosh, ku klubi i tij i atëhershëm Barcelona u zemërua shumë.
Kishte pritshmëri të mëdha për Dembelen me ardhjen e tij, veçanërisht duke marrë parasysh formën që ai kishte treguar në Kataloni gjatë 12 muajve të fundit.
Megjithatë, ai ka bërë një fillim të vështirë, duke mos shënuar apo asistuar në asnjë nga pesë ndeshjet e tij të para për PSG-në.
Sipas Mundo Deportivos, kjo ka bërë që PSG të shqyrtojë mundësinë e largimit të Dembeles. Ata thuhet se janë të hapur për të lejuar 26-vjeçarin të largohet si huazim në janar.
Janë tri klubet nga Liga Premier si Arsenali, Tottenham Hotspur dhe West Ham United që janë gjithë të interesuar për të bërë një marrëveshje.
