Kryetari i Prishtinës, Përparim Rama, ka reaguar për vrasjen e një polici në Veri të Kosovës.
Ai ka thënë se autorët e krimit duhet ta marrin dënimin e merituar.
”I tronditur dhe i pikëlluar nga ngjarja e rëndë e cila ndodhi në Banjskë të Zveçanit, në Republikën e Kosovës. Ngushëllime për familjen e rreshterit të vrarë, Afrim Bunjaku, i cili ra derisa po kryente me përkushtim detyrën për mbrojtjen dhe ofrimin e sigurisë për qytetarët e Republikës sonë”.
”I uroj shërim të shpejtë policit të plagosur, Alban Rashiti, i cili u lëndua po nga sulmi nga grupe kriminale serbe, ndaj tij e kolegëve. Policët tanë atje po kujdesen për rend e ligj, andaj sulmi ndaj tyre nuk i kontribuon paqes. Kërkojmë nga autoritetet të zbatojnë drejtësinë dhe sulmuesit të marrin dënimin meritor. Në veri të Republikës sonë duhet të mbizotërojë rendi dhe ligji”, ka shkruar Rama në Facebook.
