35
Një veturë është përfshirë nga zjarri sot rreth orës 04:30, në “Rrugën C” në Prishtinë.
Zëdhënësja e Policisë për rajonin e Prishtinës Flora Ahmeti ka bërë të ditur se vetura është dëmtuar tërësisht, por pa persona të lënduar.
“Policia menjëherë ka dalë në vendin e ngjarjes, po ashtu edhe zjarrfikësit, të cilët kanë lokalizuar zjarrin. Nuk raportohet për persona të lënduar”, ka thënë Ahmeti.
Aktualisht Policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen.
