Një kriminel i dyshuar shqiptar u përpoq të kapërcente çatinë i veshur me pantofla, në përpjekje për t’i shpëtuar policisë që po bastiste një fermë rezidenciale kanabisi.
19-vjeçari doli nga dritarja e katit të parë për të shmangur policinë e West Mercia, e cila kishte ndërmarrë një aksion pas një informate. Burri u detyrua të kalonte një pengesë për të shmangur arrestimin, por shumë shpejt u arrestua në një kopsht aty pranë.
Oficerët gjetën 60 bimë të mëdha në shtëpinë në Cofton Hackett, Worcestershire, të cilat vlerësoheshin rreth 50,000 £. Ata mundën të sekuestronin edhe 198 bimë të tjera më të vogla, të cilat mund të kishin vlerën 1000 £ secila.
Oficerët sekuestruan bimë kanabisi së bashku me pajisje kultivimi dhe një sistem elektrik të sofistikuar. Bastisja ndodhi pasi fqinjët ngritën shqetësime për drogën dhe aktivitetin e dyshimtë në zonë.
Një 19-vjeçar shqiptar është arrestuar i dyshuar për kultivimin e kanabisit.
PC Rod Hartwright, nga policia e West Mercia, tha se: “Urdhëri tregon se ne nuk do të tolerojmë drogën brenda komunitetit tonë dhe do të vazhdojmë të veprojmë sipas informacionit që na jepet për drogën. Droga ka një ndikim negativ në komunitetet tona dhe mund të çojë në kriminalitete të tjera të lokalizuara dhe dëmtim dhe shfrytëzim të njerëzve vulnerabë”.
