Shenjat e para mund të shihen nga analiza e retinës
Duke analizuar retinën nëpërmjet skanimit dhe përdorimit të inteligjencës artificiale, është e mundur të regjistrohen anomali të padukshme që janë një prelud i manifestimit klinik të sëmundjes së Parkinsonit, 7 vjet përpara fillimit të saj.
Në revistën Neurology, është publikuar një hulumtim nga University College London dhe Moorfields Eye Hospital, sipas të cilit sëmundja neurodegjenerative Parkinson, e cila prek rreth 10 milionë njerëz në mbarë botën, shfaqet me simptomat e para treguese: uljen e nivelit të dopaminës dhe një përqendrim më i ulët i neuro melaninës, i dallueshëm përmes skanimeve okulare 3D.
Këto simptoma, siç u përmend, i paraprijnë me rreth 7 vjet dridhjet e njohura, tipike për një stad më të avancuar. Nëpërmjet një studimi të kujdesshëm të syve, është vënë re se te pacientët që preken nga sëmundja e Parkinsonit ose që shfaqin në një farë mënyre simptomat e para, dallimet janë evidente “në trashësinë e shtresës së qelizave” që gjendet brenda retinës.
Prandaj, sytë janë në gjendje të parashikojnë Parkinson-in përmes imazhit të retinës. Retina, në fakt, është një vend i shkëlqyer për të analizuar ndryshimet histopatologjike në nivel truri dhe konfirmohet si një element me rëndësi themelore për diagnozat e hershme.
