Presidentja e Kosovës, Vjosa Osmani, të premten ka zhvilluar takime të ndara me kryeministrin e Lihtenshtajnit, Daniel Risch dhe presidentin e Lituanisë, Gitanas Nauseda.
Me këtë të fundit Osmani ka njoftuar se kanë biseduar për zhvillimet e fundit në rajon.
“Lituania është aleat vendimtar dhe mbështetës i fuqishëm i vendit tone. Ne mbetemi të përkushtuar për të forcuar më tej lidhjet ton”, ka shkruar presidentja në platformën “X”.
During EPC, I had a chance to catch up with Lithuanian President @GitanasNauseda about recent developments in our region.
— Vjosa Osmani (@VjosaOsmaniPRKS) October 6, 2023
Lithuania is a crucial ally and an ardent supporter of our country and we remain committed to further bolstering our ties. 🇽🇰🇱🇹 pic.twitter.com/ApWJA0TAh2
Ndërsa me kryeministrin Risch, Osmani ka thënë se ka biseduar për zhvillimet e fundit të sigurisë si dhe ka theksuar edhe rëndësinë e avancimit të anëtarësimit të Kosovës në Këshillin e Evropës, presidencën e radhës të së cilit do ta ketë ky vend.
“Pata një takim të mirë me kryeministrin e Lihtenshtajnit, Daniel Risch, ku diskutuam mbi zhvillimet e fundit të sigurisë. Në dritën e së ardhmes së Lihtenshtajnit në presidencës e Këshillit të Evropës, theksova gjithashtu rëndësinë e avancimit të anëtarësimit të Kosovës”, ka shkruar tutje ajo.
Had a good meeting with 🇱🇮 Prime Minister @DrDanielRisch on recent security developments.
— Vjosa Osmani (@VjosaOsmaniPRKS) October 6, 2023
In light of Liechtenstein's forthcoming @CoE presidency, I also emphasized the importance of advancing Kosovo's membership. pic.twitter.com/XeQKhhprG1
Ndryshe, këto takime presidentja Osmani i ka zhvilluar në Granada të Spanjës, ku po merr pjesë në samitin e liderëve të vendeve evropiane. Ajo ka takuar edhe kancelarin gjerman, Olaf Scholz, kryeministrin britanik Rishi Sunak, presidentin francez, Emmanuel Macron, kryeministrin grek Kyriakos Mitsotakis, etj.
