Nëndetësja Titan e OceanGate, e cila u mbyt qershorin e kaluar pas një shpërthimi katastrofik, ku vdiqën pesë persona që ishin nisur në një ekspeditë turistike në Titanikun e fundosur, është nxjerrë nga thellësitë e Oqeanit Atlantik.
Së bashku me nëndetësen, Roja Bregdetare e SHBA mund të ketë gjetur edhe mbetje të dyshuara njerëzore.
Lajmi u bë i ditur nga shërbimi për shtyp i departamentit, i cili tha në një deklaratë: “Inxhinierët e sigurisë nga Bordi i Hetimit të Aksidenteve Detare të Rojës Bregdetare të Shteteve të Bashkuara kanë identifikuar dhe hequr rrenojat e mbetura të Titanit dhe provat nga fundi i Oqeanit Atlantik Verior“.
Rojet bregdetare deklaruan gjithashtu se fragmente janë dërguar në port për katalogim dhe analiza përkatëse.
Mbetjet e mundshme njerëzore u gjetën me kujdes nga rrënojat e Titanit dhe u dërguan te mjekët për analiza.
