Rreth 264,000 njerëz janë detyruar të largohen nga shtëpitë e tyre në Rripin e Gazës pasi bombardimet e rënda izraelite vazhdojnë të godasin enklavën palestineze.
Kjo është bërë e ditur nga Kombet e Bashkuara (OKB).
Luftimet kanë lënë mijëra të vdekur nga të dyja palët që kur Hamasi nisi një sulm të befasishëm të shtunën e kaluar, duke ndezur fushatën hakmarrëse të bombardimeve të Izraelit.
“Të paktën 263,934 njerëz në Gaza besohet se janë larguar nga shtëpitë e tyre”, tha Zyra e Kombeve të Bashkuara për Çështjet Humanitare (OCHA) në një përditësim të situatës mbrëmë, duke paralajmëruar se “ky numër pritet të rritet më tej”.
