Pas X dhe Metës, Brukseli paralajmëron gjithashtu TikTok për dezinformatat dhe përmbajtjet e paligjshme që u shfaqën në platformë pas sulmit të Hamasit në Izrael.
Në një letër drejtuar shefit ekzekutiv të rrjetit social kinez, Shou Zi Chew, Komisioneri i BE-së për Tregun e Brendshëm, Thierry Breton, paralajmëron se “TikTok ka një detyrim të veçantë për të mbrojtur fëmijët dhe adoleshentët nga përmbajtja e dhunshme dhe propaganda terroriste”, duke iu referuar videove që “përshkruajnë marrjen e pengjeve”.
Platforma tani ka 24 orë për t’iu përgjigjur ankesave të BE-së duke ilustruar strategjinë e saj për të frenuar dezinformimin.
