Enver Dugolli, deputet i Lëvizjes Vetëvendosje, njëherit nënkryetar i Komisionit për Siguri, ka deklaruar se Serbia mund të kryejë sërish sulme në veri, duke shtuar se plani i ushtarëve të uniformuar s’ka përfunduar.
Sipas deputetit të VV-së, rreziku vazhdon të jetë i përditshëm në Kosovë nga mundësia e sulmeve të radhës.
“Rreziku është i përditshëm pasi ata terroristë të uniformuar kanë ardhur me skenar të caktuar dhe deshtuar i tyre në hapin e parë nuk nënkupton edhe dështimin përfundimtar, pasi Serbia është ajo që nuk u distancua, por në njëfarë forme i madhëroi aksionet e tyre”, ka deklaruar Dugolli në “Konfront” të KTV-së të enjten.
Sipas tij, serbët lokalë në veri s’janë të interesuar t’i përkrahin grupet serbe që sulmuan në veri.
