Sandro Tonali dhe Nicolo Zaniolo janë marrë në pyetje nga policia në Coverciano qendra stërvitore e kombëtares italiane ku ndodhen të grumbulluar ndërsa dyshohen se kanë shkelur rregullat duke vendosur baste.
Mediat raportojnë se Zaniolo ka vënë baste në ndeshjet e Romës në Kupën e Italisë, ndërsa Tonali dyshohet se ka vënë baste për ndeshjet që ka luajtur vetë.
Të dy ndodhen në kampin stërvitor të Coverciano, duke u përgatitur për ndeshjet kualifikuese të Italisë për EURO 2024 kundër Maltës dhe Anglisë.
Sipas raportimeve Tonali dhe Zaniolo u panë së bashku me kryedelegatin Buffon duke u takuar me policinë brenda kampit të Coverciano për të diskutuar mbi hetimin e basteve.
Mediat raportojnë gjithashtu se policia ka sekuestruar telefonë celularë dhe tabletat e tyre për t’i analizuar. Emrat e dy futbollistëve u zbuluan pasditen e së enjtes nga Fabrizio Corona gjatë një seance që u zhvillua në komisariatin e Milanos.
