Si duket ka një marrëveshje mes partive malaziase për të themeluar qeverinë e re të prirë nga partia ‘Europa Tani’ me kandidat Milojko Spajiq, që do të udhëheqë si kryeministër.
E përfshirë në koalicionin qeverisës është edhe partia pro-serbe e pro-ruse ‘Demokracia e Re Serbe’ e Andrija Mandiq që thuhet se këtij të fundit iu nda posti i kryekuvendarit.
Në lidhje me këtë, në një kolumne të publikuar në median malazeze, CDM, autori Andrej Nikolaidis shkruan se qeveria e Spajiqit dhe në fakt e Mandiqit dhe e presidentit serb Aleksandar Vuçiqi do të vazhdojnë të rrisin tensionet etnike mes malazezëve dhe serbëve.
“Qeveria e Spajiqit dhe në fakt e Mandiqit dhe e Vuçiqit do të vazhdojnë të rrisin tensionet etnike mes malazezëve dhe serbëve. Duke i përshpejtuar dhe gjithnjë e më intensive. Të gjithë mund ta shohin atë. Interesi i shqiptarëve në Mal të Zi është të marrin pjesë në këtë, në anën e Vuçiqit?”, shkruan Nikolaidis.
“Ose kjo. Edhe para zgjedhjeve të 2020 kam shkruar për fatin e Dritanit dhe URA-s. Ai do ta ndihmojë Serbinë e Madhe të fitojë pushtetin dhe pastaj do të ngrihet. Dhe kështu ishte. Qeveria që Spajiq synonte të krijonte është identike me atë të krijuar nga Amfilochius. Vetëm një shqiptar po përpiqet të zëvendësohet nga një tjetër shqiptar apo shqiptarë. A nuk është e qartë për të gjithë?”.
Nikolaidis gjithashtu potencon se shqiptarëve ani se janë të përfshirë në koalicion nuk u janë dhënë postet kryesore.
Faktori politik shqiptar në kabinet do të përfaqësohet me dy minsitri. ‘Forumi Shqiptar’ do të ketë zëvendës kryeministrin dhe ministrin e zhvillimit ekonomik.
“Nëse Spajiqi do t’u kishte ofruar shqiptarëve ministritë (arsim dhe kulturë) dhe ministritë e pushtetit (policia dhe ushtria), do të thoja se shqiptarët janë të domosdoshëm në qeveri. Sepse atëherë do të mbanin paketën e kontrollit edhe të qeverisë edhe të Malit të Zi. Në atë rast, ata mund të ndjekin një politikë properëndimore. Ata nuk do të ishin ( në tavolinën e një qeverie antiperëndimore – çka ua ofron Spajiq. Do të kisha vetëm një vërejtje: pse shqiptarët nuk e morën edhe Ministrinë e Jashtme?”.
Ai gjithashtu thotë se Vuçiqit në këtë moment i duhen partitë shqiptare në qeverinë e Malit të Zi për të simuluar demokracinë.
“Dhe së fundi. Vuçiqit në këtë moment i duhen partitë kombëtare shqiptare në qeverinë e Malit të Zi për të simuluar demokracinë dhe multietnicitetin e qeverisë. Kur të konsolidohet pushteti i tij në Mal të Zi, nuk do t’i duhet as për këtë. Ashtu siç nuk ka më nevojë për Dritanin sot. Dhe vetëm për këtë, e jo për sherrin e famshëm melodramatik me Spajiqin dhe batutat budallaqe me tortën, ai nuk është në qeveri”.
“A është vërtet e nevojshme që projekti serbomadh, pas Dritanit, të konsumojë një lider tjetër shqiptar në Mal të Zi?”.
