Drejtori i institutit EPIK, Demush Shasha, ka thënë tani kur emocionet janë ulur duhet të kujtojmë vetës se Franca është vend mik dhe aleat i madh i Kosovës.
Në llogarinë e tij në Facebook, ai ka shtuar se Franca ka qenë vend i parë i BE-së që ka njohur pavarësinë e Kosovës,
“Tani kur emocionet janë ulur duhet të kujtojmë vetës se Franca është vend mik dhe aleat i madh i Kosovës. Franca ka qenë vend i parë i BE-së që ka njohur pavarësinë e Kosovës. Menjëherë pas SHBA-ve. Që nga dita e parë e shtetit tonë Franca ka qenë me neve në kohërat e mira dhe kohërat e këqija. Lidershipi i Francës çdo herë ka qenë thelbësor në lartësimin ndërkombëtar të vendit tonë”, ka shkruar Shaha.
“Patjetër se do të këtë momentet kur nuk do të dakordohemi plotësisht me Francën, por çdo herë do të ketë shumë më shumë gjëra që na bashkojnë se ato që na ndajnë”, ka potencuar ai.
