Ka mundësi që takimi i sotëm i Aleksandar Vuçiqit me presidentin rus dhe kinez në Kinë, së bashku me marrëveshjet e nënshkruara në Pekin, të jetë gozhda e fundit në arkivolin e rrugës evropiane të Serbisë, kështu e sheh psikologu dhe analisti politik serb Zharko Koraç rezultatin e vizitës së e presidentit serb në këtë vend.
Kujtojmë se Vuçiq sot ka thënë, gjatë ditës së dytë të vizitës së tij në Kinë, pas nënshkrimit të marrëveshjes së tregtisë së lirë dhe duke shpresuar për një takim bilateral apo të “evitimit të tij” me Putinin, varësisht se çfarë lloj politike ka vendosur të ndjekë në raport me Bashkimin Evropian, ai ka deklaruar: “E pashë Putinin duke shpërthyer nga vetëbesimi”.
Pra, presidenti serb ka thënë për mediat në shërbim të regjimit të tij që po e përcjellin në këtë udhëtim, se gjatë takimit të shkurtër me presidentin rus, i cili është në luftë me gjithë BE-në dhe botën perëndimore për shkak të agresionit ndaj Ukrainës, se ai po “shpërthen nga vetëbesimi”, .
Sido që të jetë, tashmë dy vjetësh nuk është hapur asnjë kapitull i agjendës së Serbisë për anëtarësim në BE, aq më pak që është mbyllur, qoftë edhe përkohësisht. Askush as nuk e përmend më anëtarësimin në BE. Përkundrazi, Parlamenti Evropian po përmend gjithnjë e më shumë sanksionet ndaj Serbisë për shkak të ngjarjeve të fundit në Kosovë, thotë Zharko Koraq për gazetën serbe Danas.
Dhe kështu, shton ai, politika e kryetares së JUL-it Mira Markoviq më në fund triumfoi, edhe pas vdekjes së saj.
Ajo kishte thënë se, “dielli lind në lindje”, Perëndimi është dekadent dhe gjithsesi kundër Serbisë. Sot, të gjitha mediat nën kontrollin e regjimit aktual e përsërisin këtë frazë të pakuptimtë në variante të ndryshme, domethënë nuk është kurrë më mirë për Serbinë derisa mbrohet nga Rusia dhe Kina në Këshillin e Sigurimit. Ashtu siç e mbrojtën Sllobodan Millosheviqin. Epo, ne e dimë se si shkoi gjithë kjo, përkujton Koraq.
Sipas tij, teksa në Tiranë, gjatë Samitit të Procesit të Berlinit, të gjitha vendet e rajonit po përgatiten për integrimin në BE, presidenti ynë në Pekin, ndër të tjera, merret edhe me disponimin e presidentit rus Putin.
“Kuptuam se ai “po shpërthen nga vetëbesimi”. E shkëlqyeshme, e gjithë Serbia do të flejë e qetë sonte. Gjithçka është ashtu siç duhet. E izolimi i mundshëm i Serbisë? Kujt i intereson ajo kur Putini është mirë”, përfundon Zharko Koraç
