A është e mundur të hahet pa shtuar peshë? Përgjigja është po, por duhet t’i kushtoni vëmendje ushqimeve të duhura.
Ne duhet të preferojmë ushqime të pasura me fibra dhe proteina të cilat i japin të gjithë energjinë e nevojshme trupit tonë, por që nuk janë të pasura me kalori dhe për këtë arsye kufizojnë rritjen e belit, pasi japin një ndjenjë më të madhe ngopjeje, qetësojnë urinë. Ndihma e këtyre ushqimeve bëhet thelbësore veçanërisht gjatë një periudhe të ushqyerjes që përfshin konsumimin e vakteve gjatë disa momenteve të ditës. Falë këtyre ushqimeve, ju mund të kaloni lehtësisht nga dreka në darkë pa vuajtur në asnjë mënyrë nga uria.
Shikoni më poshtë cilat janë ato ushqime:
1. Smoothie
“Smoothie” është i vetmi lëng që do ju ngopë. Përmban kalori dhe përbërës ushqimorë të nevojshëm dhe që zgjasin. Sa më shumë ta përzieni, aq më shumë do ju ngopë. Kjo, sipas një studimi të Penn State University. Meshkujt që kishin pirë “smoothie” të përzier mbi 5 minuta, konsumuan 100 kalorimë pak në drekë sesa ata që kishin pirë “smoothie” të përzier 1 minutë e gjysmë.
2. Patate të ziera
Patatet e ziera kanë shumë fibra, kështu që mos harroni t’i konsumoni. Gjithashtu, mos harroni që t’i gatuani me lëkurë, pasi aty qëndrojnë vlerat më të mëdha ushqyese. Shoqërojini me kos.
3. Mollë dhe dardhë
Ndryshe nga shumica e frutave, mollët dhe dardhat përmbajnë pektinë, një fibër e veçantë që ngadalëson procesin e tretjes dhe bën që të ndiheni të ngopur për më gjatë. Një studim i Harvardit zbuloi se ngrënia e dardhës apo mollës çon në rënie në peshë.
4. Perime me vezë
Vezët kanë shumë proteina dhe proteinat janë ato që të ndihmojnë të ngopesh. Është e mira që të hahen në mëngjes, të shoqëruara me perime. Një studim britanik tregoi se kur vezët hahen në mëngjes, ka shumë mundësi që gjatë ditës t’i rezistosh tundimit për ushqime të pashëndetshme.
5. Tërshërë
Tërshëra përmban shumë fibra që shndërrohen në stomak në një xhel ndalues të tretjes. Gatuajini me ujë ose qumësht dhe vëllimi shtesë që do të marrin i bën edhe më ngopës.
