Pavarësisht se Kuvendi i Shqipërisë njoftoi mbylljen e seancës plenare, ende pa nisur, prej tensioneve të krijuara, deputetë të opozitës vijuan që të qëndronin në sallë.
Ata kanë mbetur në errësirë pasi Kuvendi ka fikur dritat në sallën e parlamentit ku opozita po mbante fjalime përmes lidhjeve live në FB.
Deptueti Flamur Noka është shprehur se do “të digjet salla”, nëse nuk rikthejnë ndriçimin në sallën e Parlamentit.
Ndërsa Berisha paralajmëroi se në Kuvend do të zhvillohet beteja më e fuqishme në historinë e demokracisë shqiptare.
“Si grup gangstersh dhe jo parlamentar fikën dritat dhe u larguan. Me këtë akt dëshmuan dhe njëherë se çfarë përfaqësojnë. Në parlament do zhvillohet një nga betejat më të fuqishme në historinë e demokracisë shqiptare, e cila sot është një fiktivitet. Kurrë në 32 vite nuk i është caktuar përfaqësuesi opozitës në komisionin e reformës zgjedhore”, tha Berisha.
