Presidenti i Barcelonës, Joan Laporta thotë se nënshkrimi i përhershëm i Joao Cancelos dhe Joao Felixit do të varet nga drejtori sportiv – Deco.
Mbrojtësi i Manchester Cityt dhe sulmuesi i Atletico Madridit kanë impresionuar në huazim deri më tani këtë sezon.
Laporta deklaroi për Cataluyna Radio: “Nëse ata vazhdojnë të luajnë kështu, ne do të duhet të bëjmë përpjekje për t’i nënshkruar, por gjithçka varet nga ajo që thotë Deco”.
“Objektivi tani është të fitojmë Ligën dhe të luftojmë për Ligën e Kampionëve, si dhe Superkupën dhe Kupën”.
“Gjithmonë më ka pëlqyer Joao Felix, por edhe lojtarët e tjerë të ekipit, i cili tani është më i vlerësuar në treg dhe më i qëndrueshëm”, ka shtuar më tej Laporta.
Por, Barcelona e di se duhet të paguajë shumë për anëtarin e Atletico Madridit, që konsiderohet mbi 80 milionë euro, ndërsa për Cancelon mund ta mbyllë në rrethin e 20 milionëve.
