Edhe Kosova po i bashkangjitet shteteve që i dalin në përkrahje Palestinës në luften e tyre me Izraelin që po zhvillohet në rripin e Gazes.
Ky marsh do të mbahet nesër në Prishtinë nga ora 13:30. Thirrje për pjesëmarrje në marshin pro Palestinës u bë nga i dënuari për terrorizëm.
Albert Berisha, i cili ishte i dënuar me burgim për pjesëmarrje në grup terrorist, ka bërë thirrje për një marsh protestues pro Palestinës.
Berisha ishte dënuar në shkallën e parë me tre vjet e gjysmë burgim për terrorizëm.
Ndryshe, në janar të vitit 2018, Berisha u kishte bërë thirrje të rinjve nga Kosova që të mos shkojnë në luftërat e huaja në Siri e Irak, kurse ata që janë ende në vatrat e luftës, i kishte ftuar që të kthehen në Kosovë, pavarësisht se në bazë të ligjit, mund të dënohen për veprat që ndërlidhen me terrorizmin.
