Pasi hodhi bombën e abortit, Britney Spears ka bërë një tjetër akuzë serioze kundër ish të dashurit Justin Timberlake. Këngëtarja 41-vjeçare ishte në lidhje me Justin nga viti 1999 deri në vitin 2022 dhe foli për këtë në librin e saj me kujtime The Woman In Me.
Një fragment i marrë nga TIME tregon Britney-n duke shkruar se sa shpejt Justin u largua nga lidhja e tyre.
Sipas saj, këngëtari i “Cry Me a River” kishte “fjetur me gjashtë apo shtatë vajza” javë pas ndarjes së tyre.
“Ai ishte ëndrra e një vajze. Unë isha e dashuruar me të”, ka shkruar ajo.
Zbulimi vjen pasi Britney tregoi për abortin që pësoi në moshën 19-vjeçare, sepse Justin “nuk ishte gati të bëhej baba”.
Duke ndarë lajmin në fragment, ajo tha: “E doja shumë Justin. Gjithmonë prisja që një ditë të kishim një familje së bashku”.
Megjithatë, Britney pohoi se ata të dy nuk ishin gati për të pasur një fëmijë, “Justin definitivisht nuk ishte i lumtur për shtatzëninë dhe jam i sigurt që njerëzit do të më urrejnë për këtë, por edhe unë kam pranuar të mos e kem atë”.
