Aktorja Meryl Streep është duke u ndarë nga bashkëshorti i saj Don Gummer pas 45 vitesh martesë.
Meryl Streep ka njoftuar divorcin e saj nga bashkëshorti Don Gummer pas 45 vitesh martesë, katër fëmijë dhe pesë nipër e mbesa, duke zbuluar se ata kanë jetuar jetë “të ndara prej gjashtë vitesh”.
Kështu raporton New York Post.
Në një deklaratë të përbashkët, aktorja fituese e Oskarit dhe skulptori shpjeguan se pavarësisht ndarjes ata “do të kujdesen gjithmonë për njëri-tjetrin”.
Streep dhe Gummer u martuan në vitin 1978 pasi u prezantuan nga vëllai i saj në të njëjtin vit.
Sipas tabloidit, ylli i Hollivudit, i cili mori pjesë dje në ndarjen e çmimeve Princesa de Asturias, është parë për herë të fundit me bashkëshortin e saj në ceremoninë e Oscar 2018.
