Ministri i Drejtësisë i Malit të Zi, Marko Kovaç, ka refuzuar kërkesën e Kosovës të ekstradojë shtetasin serb Momçilo Vukotiq (61), të akuzuar për krime lufte kundër popullatës civile.
Radio Televizioni i Malit të Zi (RTCG) ka njoftuar se ministri i Drejtësisë ka marrë vendim që të mos e ekstradoj 61-vjeçarin.
Vukotiq ishte arrestuar në Mal të Zi dhe ndodhet në paraburgim për ekstradim.
Gjykata kishte konstatuar se plotësoheshin kushtet ligjore për ekstradim, por ministri malazias Kovaç e refuzoi kërkesën.
Ai beson se është shkelur neni 3 i Konventës Evropiane për të Drejtat e Njeriut dhe Liritë Themelore.
