“Unë jam studenti më i vjetër në botë, por tani do të ndalem. U them të rinjve të duan gjithçka që bëjnë,” thotë ai.
Diplomë në kriminologji për Leonardo Altobelli, 91 vjeç. Është hera e pesëmbëdhjetë që i moshuari nga Pulia do të mbajë kurorën e dafinës.
Pas diplomave në mjekësi dhe kirurgji, drejtësi, shkenca politike, letërsi, filozofi, pedagogji, bujqësi, shkencë dhe teknologji ushqimore, shkencë turistike, histori, bioteknologji dhe arkeologji, vjen diploma në shkencën investigative.
Jo vetëm kaq: në kurrikulën e tij universitare ai krenohet edhe me 7 diploma në mjekësi sociale, mjekësi sportive, drejtësi shëndetësore dhe kujdestar i mjekësisë së përgjithshme. Një rekord botëror Guinness për studentin më të vjetër në botë.
Një karrierë shumë e gjatë për 91-vjeçarin Leonardo Altobelli, me origjinë nga Troia, një komunë me gjashtë mijë shpirtra në provincën e Foggia. Një qytet të cilin ai e qeverisi edhe si kryetar bashkie në vitin 1984 dhe ku ishte mjek i përgjithshëm deri në pensionimin e tij në moshën 70-vjeçare. Një karrierë shumë e gjatë, gjatë së cilës ai pasuroi studimet.
“Unë jam studenti më i vjetër në botë, por tani pas kësaj diplome do të ndalem, sepse do të doja të lija kujtimet për brezat e ardhshme, atë që bëra dhe pse e bëra – thote ai per Ansa.
“Do t’i përkushtohem shkrimit. Të rinjve u them të duan çdo gjë që bëjnë. Të përqafojnë punën e tyre dhe ta bëjnë atë me buzëqeshje dhe qetësi. Unë kam qenë gjithmonë i apasionuar pas studimit. Kjo është arsyeja pse e përkufizoj veten si një student i botës”.
