Në një postim në Facebook, komuna ka shkruar se do të gjobiten të gjithë ata që bëjnë një veprim të tillë.
“Hedhja e mbeturinave jashtë kontejnerëve, në trotuar a rrugë është e ndaluar me rregullore dhe ligj. Hedhja e mbeturinave në këtë mënyrë gjobitet, dhe Kryeqyteti si institucion, duke u bazuar në rregullore e ligje do të përdorë mundësinë e shqiptimit të gjobës sepse një veprim i tillë është i patolerueshëm. Ju lutemi shumë, të keni kujdes, mos hidhni mbeturina jashtë shportave e kontejnerëve! Vetëm duke bashkëpunuar, ne mund ta mbajnë pastër mjedisin ku jetojmë”.
Në postim thuhet se shumë shpejt do të vendosen kontejnerë të ri.
“Shumë shpejt do të vendosen kontejnerët e rinj nëpër lagjet e Kryeqytetit. Po punojmë vazhdimisht që të kemi sa më shumë shporta e kontejnerë për mbeturina, por na duhet patjetër edhe kujdesi juaj që të mos hedhni mbeturina aty ku nuk lejohet.”
Po ashtu, komuna ka thënë se nuk do të tolerohen makinat e parkuara në trotuare.
