Në Mal të Zi është duke u zhvilluar seanca konstituive e Kuvendit.
Në rend të dite të kësaj seance është zgjedhja e kryetarit dhe nënkryetarit të dhomës më të lartë legjislative, shkruajnë mediat e këtij vendi,
Sipas marrëveshjes së nënshkruar më herët nga përbërësit e qeverisë së re, kryetar i Kuvendit do të zgjidhet Andrija Mandiq, kryetar i koalicionit “Për Ardhmërinë e Malit të Zi”, i cili do të mbështesë qeverinë e re.
Ndërsa Lëvizja Evropa Tani, partia më e madhe politike në parlament, njoftoi se kandidati i tyre për nënkryetar të Kuvendit do të jetë Boris Pejoviq.
Ndërkohë Demokratët njoftuan se Zdenka Popoviq do të jetë kandidate e partisë për nënkryetare të Kuvendit.
Parlamenti i Malit të Zi pritet të votojë edhe për zgjedhjen e qeverisë së re të 44-të, ndërsa mandatari Milojko Spjaiq e propozoi më herët programin dhe përbërjen e saj.
