“Trepça” SHA ka njoftuar se minatorët e Artanës e kanë ndërprerë grevën. Përmes një postimi në profilin zyrtar në rrjetin social Facebook, menaxhmenti i “Trepçës” e ka mirëpritur këtë vendim, duke e quajtur si veprim të mençur.
“Minatorët e Artanës dhe punëtorët e flotacionit në Njësinë Biznesore Minierat me Flotacion Kishnicë dhe Artanë e ndërpresin grevën dhe i rikthehen punës. Vendim i mençur dhe shumë i drejtë nga minatorët dhe punëtorët e Kishnicës dhe Artanës”, thuhet në njoftim.
Theksojmë se tash e nëntë ditë, minatorët e “Trepçës” janë në grevë, të cilët po kërkojnë rritje të pagës dhe sigurime shëndetësore. Dhjetëra prej tyre kanë kërkuar edhe ndihmë mjekësore për shkak të përkeqësimit të gjendjes shëndetësore gjatë qendrimit në grevë.
