Bordi mbikëqyrës i ndërmarrjes “Trepça” i ka ftuar për takim nesër minatorët, të cilët janë në grevë urie tash e dhjetë ditë.
Bëhet e ditur se takimi është thirrur të mbahet nga ora 12:00.
“Ju lutem më lejoni që t’ju drejtohem përmes këtij emaili për të kërkuar prej jush takim ditën e nesërme, e premte 03/11/2023, ora 12:00, në zyret e Stanterg”, thuhet në ftesën e dërguar.
Sipas lajmeve të përcjellura sot gjatë ditës nga mediet, përmes burimeve nga vetë minatorët, thuhej se minatorët e Trepçës i kanë filluar diskutimet me menaxhmentin e kësaj ndërmarrje për ndërprerjen e grevës. Sipas këtyre burimeve, grevistët kanë kërkuar mosndëshkimin e tyre dhe mosndaljen e mëditjeve për ditët e grevës.
Gjatë ditës së enjte, 16 minatorë kanë marrë shërbime shëndetësore, teksa që nga fillimi i grevës, jan ofruar 300 shërbime mjekësore.
Kërkesat e tyre janë realizimi i pagës nga data 6 deri me datën 10 të çdo muaji, dorëheqja apo shkarkimi i u.d i kryeshefit, Enis Abdurrahmani dhe kërkesa për sigurim shëndetësor dhe përmirësimin e kushteve.
