Shqiprim Arifi falenderon Albin Kurtin për planifikimin e 3 mln € për luginën e Presheves. Mirënjohjen dhe falenderimet e tija për Kryeministrin Kurti i ka bërë publike nëpërmjet rrjeteve sociale.
E falenderojmë Kryeminstrin e Kosovës për vendosjen e vijës buxhetore 3 milion € për Preshevën për vitet në vijim.
Ky është hapi i parë i ndërmarrë, pas shumë viteve kërkesë, për themelimin e FONDIT të Solidaritetit për Luginën e Preshevës!
Ndërkohë, ne ende presim që qeveria të dalë me një qëndrim në lidhje me 2 milion € e vitit të kaluar, të zhvatura nga doraputhësit e PVD-së, Shaip Kamberi, Ardita Sinani dhe Ragmi Mustafi.
Poashtu, të sqarohet opinioni se pse në vitin 2023 nuk u parapanë 3 milion € për Preshevën?!
Sakaq, një sqarim i domosdoshëm për popullin e Preshevës do të ishte, pse ky vendim u mor menjëherë pasi u pranua “Zajednica” (“qoftë asi, qoftë ksi”), duke e shkelur premtimin kryesorë, parimin e RECIPROCITETIT?
Gjithashtu duam të dimë, a do të jetë populli i Preshevës sërish i mashtruar nga malverzimet e Ardita Sinanit e Shaip Kamberit?
Dhe në fund, me çfarë masa sigurie, këto 3 milion € nuk do të plaçkiten dhe nuk do të përfundojnë sërish në xhepat e funksionerëve të PVD-së!?
