Doarsa Kica-Xhelili, deputete e Lidhjes Demokratike të Kosovës (LDK), ka thënë se duhet të themelohet një komision hetimor për Ministrinë e Punëve të Jashtme që drejtohet nga Donika Gërvalla.
Madje, ajo ka alarmuar se nëse janë vetëm 5 për qind të vërteta ato që i ka thënë shërbimi civil i jashtëm, atëherë krijimi i këtij komisioni është i domosdoshëm.
Çfarë po ndodh sot në Ministrinëe Punëve të Jashtme është diçka që duhet të krijojmë komision hetimor për atë që po ndodh aty, nëse janë 5% të vërteta ato që na i tha shërbimi civil i jashtëm, ai komision duhet të themelohet domosdoshmërisht”, ka thënë ajo.
Gjatë emisionit “Pressing” të T7, Kica-Xhelili ndër tjerash ka folur edhe për draftin e Asociacionit të komunave me shumicë serbe.
Sipas saj “kjo marrëveshje tashmë do të jetë detyrim sepse ne po flasim shumë për çështjen e nënshkrimeve, por mos të harrojmë që marrëveshjet ndërkombëtare krijojnë edhe detyrime. Kot flasim kur diçka tashmë është e bërë po ne po mundohemi të insistojmë të kemi qasje në dokument sepse nuk po e dimë deri në çfarë përmasa ka shkuar ky dokument”.
“Në vitin 2015 referohet gjithë dokumenti si në Kushtetutën e Republikës së Kosovës si në ligjet vendore të Kosovës dhe ndoshta është pikërisht dokumenti që e ka krijuar standardin që sot me kaq eufori përdoret nga kjo qeveri që patjetër Asociacioni duhet të respektojë Kushtetutën e Republikës së Kosovës”, ka thënë ajo
“Çka nuk dimë është çka ka ndodhur në tavolinën e bisedimeve sikurse në vitin 2013 e në vitin 2015 çka nëqoftëse pagesa asokohe e kosecioneve ka qenë shumë e shtrenjtë po ne nuk e dimë. Sepse e kam përshtypjen që sa herë ke punë me diplomaci të përmasave të tilla pak e hiç shihet për publikun dhe diskutimet që bëhen brenda dhomave nuk do të nihen asnjëherë”, ka deklaruar deputetja opozitare.
