Eksperti serb i sigurisë Miroslav Bjegoviq tha sot se është mirë që zyrtarët evropianë po përmendin dhe po kërkojnë formimin e Asociacionit, por ajo me të cilën Beogradi nuk pajtohet është që Asociacioni të formohet në përputhje me Kushtetutën e Republikës së Kosovës.
Ai gjithashtu tha se Asociacioni duhet të formohet sipas Marrëveshjes së Brukselit, për të cilën BE-ja është garantues.
“Shkruhet qartë se Asociacioni duhet të formohet me kompetenca ekzekutive dhe këtu dallojnë pikëpamjet tona sepse BE-ja insiston në Asociacionin, si dhe ambasadori amerikan në Prishtinë sipas Kushtetutës së Kosovës dhe kjo është e papranueshme dhe “Serbia kërkon vetëm që pala prishtinase të përmbushë detyrimin nga Marrëveshja e Brukselit, formimin e Asociacionit me kompetenca ekzekutive”, tha ai.
Bjegoviq, i cili është edhe këshilltar special për mbrojtje dhe siguri i zëvendëskryeministrit dhe Ministrisë së Mbrojtjes të Serbisë, beson se roli i BE-së dhe zyrtarëve evropianë në lidhje me dialogun ndërmjet Beogradit dhe Prishtinës është i qartë në kuptimin që ata dëshirojnë të detyrojë palën serbe në mënyra të ndryshme të bëjë atë që i përshtatet BE-së dhe Kosovës, gjë që thotë ai, është diçka që nuk do të ndodhë kurrë.
“Mendoj se pikërisht këtu negociatori ynë kryesor, presidenti i Serbisë, Aleksandar Vuçiq, jo vetëm që ka theksuar vazhdimisht, por madje ka thënë se nuk po pyetet se a do ta njohë pavarësinë e Kosovës, dmth. nëse do ta lejojmë Kosovën të anëtarësohet në OKB. Ajo që është shumë e rëndësishme është që çdo herë që Serbia iu përgjigj thirrjes për gjetjen e një zgjidhjeje, vetëm për hir të një të ardhmeje më të mirë për popullin serb dhe një jete më të mirë në Kosovë”, tha ai.
