Gazetarët e BBC-së janë futur në spitalin al-Shifa në Gazë, në të cilin u futën mbrëmë forcat izraelite.
Ushtria izraelite pretendon se nën spital gjendet qendra e Hamasit,
Reporterja e BBC thotë se muri rreth spitalit është demoluar me buldozer të forcave izraelite, me qëllim të forcat tokësore të kenë qasje më të lehtë në shumicën e kompleksit në Rripin e Gazës.
BBC dhe një televizion tjetër ishin të parët që forcat izraelite i ftuan të shohin atë çfarë Tel Avivi pretendon se ka gjetur në vendin e ngjarjes.
Mjekët në spital thonë se prej ditësh po punojnë pa rrymë, ushqim dhe ujë – dhe si pasojë e këtyre mungesave kanë humbur jetën shumë pacientë që ishin të sëmurë rëndë, përfshirë edhe një foshnje disa ditëshe
Civilët e zhvendosur nga luftimet në Gazë, janë strehuar në kompleksin e spitalit në Gazë. Por Izraeli thotë se Hamasi gjithashtu menaxhon rrjetin e tuneleve nëntokësore që shtrihen nën spitalin al-Shifa.
Pjesëtarët e njësive elitare izraelite drejtuan gazetarët drejt objektit me xhama të thyer – një tregues i qartë që situata në këtë spital është shumë e tensionuar.
Prezenca e një prej shtëpive më të mëdha mediale në botë, po ndodhë një ditë pasi që Izraeli mori nën kontroll spitalin.
Në repartin ku kryhen rezonancat magnetike, ushtaraku izraelit Jonathan Concrius u tregon gazetarëve tri hapësira të mbushura me kallashnikovë, municion dhe jelek antiplumb si dhe disa granata.
Concrius u tregon gazetarëve edhe disa libreza ushtarake, fletushka si dhe disa harta të shënjuara që me gjasë tregojnë hyrjen dhe daljen nga spitali. Pretendon se Hamasi përdor spitalet për qëllime ushtarake
“Kemi gjetur kompjuterë dhe pajisje tjera që do të mund të ndriçojnë situatën aktuale, shpresojmë më së shumti për rastin e pengjeve”, shtoi ai.
Në laptopë pretendohen se gjenden fotografitë dhe videot e pengjeve që u filmuan pas rrëmbimit në Gazë.
